2010-02-26 00:37:22
Би түүнтэй өнгөрсөн 7 сард танилцсан. Анх хараад нэг их сэтгэл хөдлөөгүй. Харин жоохон царай муутай юмуу гэсэн бодлоор сонжингуй удаан гэгч нь ширтэж билээ. Аажим аажимаар би түүнд дурлаж, дасаж, хайртай болж байгаагаа улам л мэдрэх боллоо. Энэ хайр минь нөхөртөө хайртай болсноос илүү намайг догдлуулж, хайлуулж, уярааж байна. Түүний инээмсэглэл, ер бусын нууцлаг байдал, сайхан бүхэнд нь би уусаж байна. Би түүнд үнэхээр их хайртай болчихжээ.
Тэр уг нь бусдын нүдэнд бол тийм ч содон нэгэн биш л дээ. Нөгөө миний дурласан хүнийг миний нүдээр ч хардаг болоосой гэдэг билүү дээ. Тэр миний нүдэнд хамгийн сайхан нь харагддаг. Юу ч, хэн ч тэрнийг минь гүйцэхгүй, юу ч хэн ч түүнийгээ хайрлах тэр сэтгэлийг минь булааж чадахгүй. Би байгаа бүхнээ түүндээ зориулж, түүнийхээ төлөө л амьдархад бэлэн байна. "Би чамд хайртаййййй" гэж ертөнц даяар ориломоор байна. Тэр анх намайг огт анзаардаггүй байсан. Тоодоггүй байсан. Харин одоо тэр бага багаар, аажим аажимаар надад татагдаж, надад сайн болж байгаа. Удахгүй би чинийхээ бүхий л зүрх сэтгэлийг эзэмдэх болно.
Тэр минь тийм ч сайхан, царайлаг, гоё биш л дээ. Гэхдээ л миний нүдэнд хамгийн сайхан нь. Ер нь би нээх сонин амьтанд дурлачихжээ... Тэр давхраагүй том нүдтэй, шингэхэн хэдэн үстэй, жаахан сартгардуу хамартай, палигар өргөвтөр хөмсөгтэй, дэлдгэрдүү соотон чихтэй, том бондгор гүзээтэй, хавчиг нарийн цээжтэй, жижигхэн мөртэй, нээх олон нугаларсан богинохон хөлтэй, нэг тийм намхан биетэй, ямар ч боловсролгүй нэгэн...Гэхдээ л түүний сэтгэл дэндүү ариухан, инээд нь дэндүү цагаахан...тийм л сайхан болохоор би түүнд үхтэлээ дурласан.
"Би нөхрөөсөө өөр хүнд хайртай болчихож!!!" цааш унших »
"Би нөхрөөсөө өөр хүнд хайртай болчихож!!!" цааш унших »
Сая 
